Delvina Victoria formou parte da baleeira durante 8 anos ata o seu peche. Alí dedicouse a facer moitas tarefas variadas: “as mulleres cortabamos a carne, afiabamos os coitelos, carrexabamos o escombro e limpabamos. Algún home era moi machista e dicíanos que nós non deberiamos traballar nas cousas do mar”.

Comezou na baleeira carrexando escombro logo de preguntarlle se estaría interesada en formar parte desta industria. Este convertiríase no traballo da súa vida.